San Francisco Shopping Frenzy

HÚÚÚHAAA. Ég er kominn heim á hótelherbergi, búinn að éta ætla að fljótlega að leggja mig. Klukkan er rétt rúmlega sjö og ég er úrvinda. Varði deginum í dag við að versla. Það tók mig smá stund að komast í gang, en mér tókst svo einhvern veginn að brjóta ísinn og er búinn að hlaupa móður og másandi á milli verslana í fleiri klukkutíma síðan þá. Er þó ekki búinn með nærri allt. Á til dæmis enn eftir að fara í útivistarverslun. Þau ykkar sem þekkja mig vita að heimsókn í slíkar verslanir eiga það til að taka tíma.

Ég settist inn á bar sem er beint á móti hótelinu mínu um fjögur leitið í dag. Ég, eins og allir sannir karlmenn, varð að brjóta verslunaræðið upp með smá drykkju. Fékk mér tvo bjóra og spjallaði í smá stund við tvo ameríkanska orgínala. Annar þeirra vildi helst af öllu ræða hversu viljugar íslenskar konur væru til að flytja til Ameríku. Hann langaði nefnilega að plögga sig á netið og ná sér í eina. Mannvitsbrekkur þar á ferð.

Fékk yndislegann tölvupóst frá Maríu áðan. Varð klökkur af heimþrá. Ég var líka mjög stoltur af því hvað hún er orðinn dugleg að skrifa tölvupósta, ekki nema átta vikna gömul.

Á morgun hefst námskeiðið, sem mér skilst að sé intenívt. Ég ætla því snemma í háttinn í kvöld.

Frá flugvellinum

Jæja, ég er lagður af stað til San Francisco þar sem ég ætla að dvelja næstu 6 daga. Er búinn að ráfa um fríhöfnina (sem er orðin allt öðruvísi en var) í leit að lesefni. Mér er tjáð að bókabúð sé að finna við hlið 6. Ætla að kaupa klámblað.

Það verður skrítið að vera frá Eygló og Maríu í svona langann tíma. Ein vika er í sjálfu sér stuttur tími, en ég er búinn að mikla þessa tilteknu viku töluvert fyrir mér. María braggast svo hratt og breytist á hverjum degi. Í gærkvöldi lærði hún að syngja til dæmis. Við feðginin sungum "Vertu til er vorið kallar á þig" hátt og snjallt. Ég sá um textann og hún sá um skrækina. Laglínuna sá enginn um, enda þarf enga helvítis laglínu.

Ég vona bara að hún muni eftir mér þegar ég kem aftur. Vona líka að Eygló muni eftir mér.

Annars er 10 mánaða bindindi rofið hér með. Var að klára fyrsta bjórinn í 10 mánuði. Sjáum til hvort ég held áfram í San Fran.

Eygló, ég elska þig
Bragi





...ok, ég ætla ekki að kaupa klámblað...

Hilde frænka átti afmæli í gær

Ég vil óska Hilde frænku innilega til hamingju með 26 ára afmælið í gær. Mamma og pabbi segja að Hilde sé ofsalega góð og skemmtileg frænka og ég hlakka mikið til að hitta hana um jólin. Þá ætla ég að knúsa hana og klemma til að bæta upp fyrir að hafa ekki verið viðstödd á afmælinu hennar í gær.

Hér er Hilde frænka í göngutúr með Gunnari frænda og Gunnari stórafrænda.

Elsku Hilde, til hamingju með daginn.
María

P.S. Mamma og pabbi biðja líka að heilsa. Þau eru mjög skrítin.

Halló!

Okkur finnst kominn tími á að láta aðeins heyra frá okkur, svoldið langt síðan síðast. María dafnar vel, fór í 6 vikna skoðun í seinustu viku og var þá orðin 5,5 kg og 59cm og voru læknirinn og hjúkkan mjög ánægð með stelpuna. Hún dafnar svo vel að foreldrarnir verða að hafa sig alla við að nota öll fötin sem hún á, áður en þau verða of lítil.
Í gær þá fórum við mæðgur í mömmuhitting, þar voru samankomnar hjúkkurnar af hjartadeildinni. Það má með sanni segja að þetta sé frjósamur vinnustaður því börnin eru samtals orðin 12 á árinu og von er á tveim í viðbót á næstu dögum. Það var mjög gaman að hitta allar mömmurnar og börnin þeirra og það var auðvitað mikið fjör. Við gleymdum því miður myndavélinni heima og gátum því ekki tekið myndir af barnahópnum, gerum það bara næst..
María eignaðist lítinn frænda í morgun, Ingunn frænka átti strákinn sinn tveim vikum fyrir tímann. Við fáum vonandi að sjá hann sem fyrst, María er alla vega orðin mjög spennt yfir því að vera orðin stóra frænka ;)
Það eru komnar nýjar myndir af dömunni inn á myndasíðuna, þeir sem eru ekki ennþá komnir með lykilorð inn á síðuna endilega sendið okkur póst og við látum ykkur fá það :)
Bless í bili,
Eygló og María

Mánaðargömul

Já í dag er hún María mánaðargömul, ótrúlegt hvað tíminn hefur liðið hratt!
Það er búið að vera nóg að gera hjá okkur Hábergsbúum.. Pabbi fór aftur að vinna, tveim vikum eftir að stelpan fæddist og erum við sammála um það að tvær vikur séu allt of stuttur tími svona fyrst( vitum það næst.. ) Amma og afi komu frá Noregi og voru hjá okkur í 10 daga, þá var sko gaman. María var farin að venja sig á að taka morgunlúr á bumbunni á afa sínum og saknar hún þess óskaplega mikið núna. En hún ætlar að athuga hvort hún fái ekki að lúra hjá honum þegar við komum til Noregs um jólin.
María var skírð laugardaginn 23. September, ákváðum við að drífa í því fyrst amma og afi voru á landinu. Athöfnin og veislan fór fram hjá ömmu og afa í Keilufellinu og voru nánustu ættingjar viðstaddir. Séra Bolli Pétur Bollason skírði dömuna og hélt amma Guðrún á henni. María var mjög stillt og prúð við athöfnina, lét aðeins vita af þvi að hún vildi dudduna sína og tók gleði sína á ný þegar hún fékk sínu fram. María sofnaði svo eftir athöfnina í skírnarkjólnum, sem er víst mjög mikilvægt samkvæmt ömmunum :) Þetta var mjög góður dagur.
María hefur verið dugleg að fara út að ganga með mömmu sinni undanfarna daga, enda ætlar hún að verða útivistargarpur eins og pabbi sinn :) Henni finnst hvergi betra að sofa en í vagninum og tekur lengstu lúrana sína þar.
Það nýjasta nýtt hjá Maríu er leikteppið sem hún fékk að gjöf um daginn, á því er spegill sem henni finnst gaman að horfa í og skoða sjálfa sig-þá er sko brosað og hjalað :)
Í gær skruppum við fjölskyldan út úr bænum og fórum í kaffi til Magga og Rannveigar í bústaðinn í Grímsnesinu, það var mjög notalegt og alveg æðislegt veður. Takk fyrir okkur!

Eygló og María

Vafrafjör

Skilaboð frá Maríu til lesenda: "Notið Firefox!"

Fyrstu dagarnir

Hæ allir!
Takk kærlega fyrir allar fallegu kveðjurnar, átti að skila sérstakri kveðju frá Maríu :)
Það er ekki hægt að segja annað en að það gangi allt vel hjá okkur hérna í Háberginu, við foreldrarnir erum að læra inn á Maríu og hún inn á okkur.
María fór í fyrsta baðið sitt um daginn og fannst það alveg frábært, var mjög róleg og góð en fannst ekkert gaman að fara upp úr-þá var sko látið heyra í sér...
Við erum búin að fara tvisvar sinnum með hana í heimsókn til ömmu Maju og afa Tomma og var það rosa stuð.
María er mjög tæknivædd ung dama og hefur spjallað við ömmu og afa í Noregi á skype nokkrum sinnum og finnst henni mjög gaman að láta þau dást að sér. Amma og afi eru svo væntanleg frá Noregi á fimmtudaginn, þá verður gaman :)
Jæja ætla ekki að hafa þetta lengra í bili, setjum sennilega inn fleiri myndir í dag fyrir áhugasama.
Eygló

Þriggja daga gömul

Þetta er lífið...María er orðin þriggja daga gömul. Hún er búin að vera heima í Háberginu í tvær nætur og allt gengur vel. María sefur mikið, eins og öll nýfædd börn en vaknar til að drekka hjá mömmu sinni af áfergju á rúmlega klukkutíma fresti að jafnaði. Yfir hánóttina er hún þó hvað hressust og sefur minna. Sem betur fer sofnar hún þó undir morgun og við foreldrarnir höfum fengið að sofa með henni frá um fimm á nóttunni til ellefu á morgnanna síðustu tvær nætur. Svefnleysið er því ekki alvarlegt.

Það er yndislegt að fylgjast með því hvað María dafnar hratt. Í dag bar meira á því að hún opnaði augun og skoðaði heimin í kringum sig . Við tvö áttum nokkrar frábærar stundir þar sem við horfðumst í augu í nokkrar mínútur, ég dáðist að fegurð hennar og hún furðaði sig á einkennilegu útliti mínu.

Lungun í Maríu er í góðu lagi. Eygló skrapp út í u.þ.b 10 mínútur í dag. Ég hélt það yrði nú lítið mál að vera einn heima með Maríu. Það liðu ekki nema tvær mínútur þar til hún áttaði sig á því að mamma var ekki heima. Það heyrðist vel að "Ó María mig langar heim" raulað falskri röddu svalar ekki neinni af frumþörfum þriggja daga gamallar dömu.

Gunni bróðir segir að það besta sem faðir getur gert fyrir börnin sín er að elska móðir þeirra. Ég tek mark á því og ætla að leggja mig fram við að sýna það í verki.

Mbk
Bragi

María er komin

María er komin í heiminn!. Klukkan 00:04 annan september kom María í heiminn í fremur stuttri fæðingu. Við mættum á fæðingadeild LSH klukkan 21:20. Tæpum þrem tímum síðar lá María við brjóst mömmu sinnar með pabba sinn háskælandi yfir sér.

Ég er hamingjusamasti maður í heimi, Eygló er fallegasta kona í heimi og María E. Bragadóttir er yndislegasta vera sem ég hef augum litið.

Mbk
Bragi

Verðandi foreldrar

Þegar verðandi foreldrar eru orðnir leiðir á að bíða....

Ein mynd segir meira en 1000 orð

Það var gaman að vera háskólanemi í HR. Ég þakka það að mestu yndislegum samnemendum mínum.

Biðin

Svona líta menn sem bíða eftir sínu fyrsta barni út.

27. ágúst!

Þá er dagurinn runninn upp, það er að segja áætlaður fæðingardagur litlunnar. Hún virðist ekki ætla að koma í heiminn í dag, verður þá alla vega að vera mjög snögg að því ef hún ætlar að koma fyrir miðnætti. Var að lesa að líkurnar á því að fæðing fari af stað á morgun eru um10% og að fæðing fari af stað á næstu fjórum dögum er um 40% og 65% á næstu sjö dögum. Seinustu dagar eru búnir að vera svolítið skrítnir, við erum í rauninnni alltaf í viðbragðsstöðu um að eitthvað fari að gerast. En þessi tími sem maður getur búist við að fæðing fari af stað spannar mánuð þannig að það þýðir víst lítið að sitja bara heima og bíða. Við vitum alla vega að litla verður komin í heiminn í seinasta lagi eftir 2 vikur og vonum við að sjálfsögðu að hún fari að láta sjá sig sem fyrst því við erum orðin mjög spennt að fá hana.
Eygló

Kannisti við þessar?

Bíði

BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði
BíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíðiBíði

Koma svo!

Nú má litla alveg fara að láta sjá sig. Ég er orðinn óþolinmóður.

Bragi

Reykjavíkurmaraþon Glitnis - árangur

Það eru einhverjir búnir að rukka mig um árangurinn í Reykjavíkurmaraþoninu. Ég hafði sett mér það markmið að hlaupa þessa 10 kílómetra á undir einni klukkustund. það er skemmst frá því að segja að markmiðið náðist eins og ofangreind mynd sýnir svo glögglega. Ég gerði eins og tíðkast hjá íslendingum t á alþjóðlegum mótum, stóð mig vel og lenti í 421. sæti. Setti þó ekki nýtt íslandsmet. Þetta hefði vart mátt tæpara standa hjá mér.

En, takmarkinu er náð og ég er sáttur.

Bragi

Metal-fucking-mania

Þetta er það almagnaðasta.



Bragi

Reykjavíkurmaraþon Glitnis

Ég ætla að hlaupa 10 km á morgun. Stefni á að ljúka hlaupinu á undir einni klukkustund. Það væri bæting frá æfingum. Geri mér engar gríðarlegar vonir, enda ekki búinn að æfa nema í þrjár vikur. Gott að hafa eitthvað að stefna að samt. Frétti að íþróttaálfurinn verði á svæðinu. Spurning um að verða sér úti um eiginhandaráritun.

Bragi

Brúðkaup að tæpu ári

Þar sem við Eygló ætlum að gifta okkur 23. júní á næsta ári er ég farinn að spá í þemu fyrir athöfnina og veisluna. Mér datt í hug að hafa Zombie þema, svipað því sem sjá má á myndinni hér að ofan. Ég er viss um að Eygló tekur hugmyndinni fagnandi.