Afmælisstelpa

Þessi stelpa er sko þriggja ára í dag!

Sumarstelpa

Hér er María á leiðinni niður í bæ á 17. júní :)

Nýjar myndir komnar inn á myndasíðuna!

Hábergsfréttir

Af okkur er allt gott að frétta. Seinustu helgi náði María þeim frábæra áfanga að standa í lappirnar, hún getur staðið upp sjálf núna ef hún hefur eitthvað til þess að styðja sig við og svo gengur hún með okkur ef við höldum í hendurnar á henni. Já það er kraftur í krúttinu okkar, við foreldrarnir erum að springa úr stolti.
Hún er byrjuð á leikskólanum allan daginn og finnst það æði, var auðvitað orðin hundleið á því að hanga heima og horfa á video. Hún er búin að fara í bíó tvisvar sinnum, fyrst með ömmu og mömmu á Skógarstríð og svo með ömmu og afa á Skoppu og Skrítlu, hún skemmti sér vel í bæði skiptin og gapti af undrun yfir stóra sjónvarpinu. Svo ætlum við fjölskyldan saman á Kardimommubæinn á morgun, held að mömmunni hlakki nú mest til :)
Annars er ég komin aftur í vinnu, byrjaði fyrir 2 vikum og gengur vel, hef verið að vinna fyrir hádegi og ætla svo að auka vinnuna jafnt og þétt næstu vikur, best að fara hægt af stað. En alveg ótrúlega gott að komast aftur í vinnuna og finna að ég ræð við það, flýtir klárlega batanum. Ég tók nú líka upp á því um daginn að skrá mig á norskunámskeið, hef lengi hugsað um það að það væri sniðugt þar sem við erum nú með annan fótinn þarna úti. Er hálfnuð með námskeiðið og hef gaman af þessu, sjáum til hvort ég brilleri í sumar í Norge ;)
Bragi hefur líka nóg að gera, vinnan og svo er hann búinn að vera aðstoðarþjálfari á Dale Carnegie námskeiði undanfarnar vikur.
Engin lognmolla í Háberginu.
Síðastliðinn fimmtudag, þann 12.03. kom ný frænka í heiminn :) Hulda og Sigbjörn eigunuðust sína aðra dóttur og hefur hún fengið nafnið Dilja Mey. Móður og barni heilsast vel, þau eiga víst að fara heim af fæðingardeildinni í dag. Okkur hlakkar mikið til að sjá mynd af henni og auðvitað að knúsa hana í sumar. Saga Dís frænka verður flott stóra systir!

Öruggur staður

Hvað sem öðru líður veit ég alltént hvar fjarstýringin er.

Nýjar/gamlar myndir komnar inn

Setti inn myndir í myndaalbúmin sem teknar voru í nóvember. Set inn nýrri myndir á næstu dögum.
Annars allt gott að frétta.

Dj Halli hani á námskeiði

 

Halli hani kom til Maríu á dj námskeið um daginn. Hér er hún að sýna honum nokkur múv á upptrektu spiladósina sem Amma Maja lánaði.

Annars erum við öll komin heim. Stelpunar útskrifuðust í dag. Ég og Tommi tengdó drösluðum sjúkrarúmi upp á í íbúðina okkar í Háberginu (get ekki beðið eftir að koma því niður aftur). María fékk far í sjúkrabíl og Eygló fékk að sitja í "nýja" bílnum í fyrsta sinn (húrra!).

Það er gott að við erum öll komin heim.

Kv Bragi

Góð heimsókn og útskrift

 

Í dag fékk María heimsókn frá vinum sínum í slökkviliðinu. Tveir af sjúkraflutningamönnunum sem aðstoðuðu okkur á aðfangadagskvöld og um áramótin áttu leið um B5 og litu við í leiðinni. Maríu finnst mikið til sjúkrabíla ("sjúkkulaðibílar") og sjúkraflutningamanna koma og var mjög ánægð með heimsóknina.

Annars er það af okkur að frétta að stelpurnar útskrifast á sunnudag eða mánudag. Ég er búinn að redda hjólastól fyrir húsfreyjuna að leigu og við fáum lánað rúm undir heimasætuna hér á spítalanum. Amma Guðrún kemur svo í heimsókn frá Noregi og ætlar að vera au pair í þrjár vikur.

Annars verð ég aðstoðarmaður á Dale Carnegie námskeiði á mánudagskvöldum næstu 12 vikurnar. Nýtt challenge sem verður gaman að díla við.

En sem sagt, þá lítur út fyrir að við verðum komin heim frá og með sunnudeginum.

Kveðja Bragi
Posted by Picasa

Fréttir af B5

Hæ

Í dag fór húsbóndinn í verslunarleiðangur. Fjárfest var í nýrri myndavél þar sem sú gamla skemmdist í árekstrinum. Olympus Lumix TZ5 varð fyrir valinu. Meganæs "ot'ogskjóta" myndavél í betri kantinum. 

Annars eru ekkert sérstakar fréttir héðan af Borgarspítalanum. Það var tekin röntgenmynd af lærbrotunum hennar Maríu og það lítur út fyrir að hægra lærið grói mun hægar en það vinstra. Vinstra brotið er nánast gróið saman en hægra brotið er rétt farið að tolla. Þetta þýðir að við bíðum í viku eftir annarri myndatöku og getum í besta falli leyft okkur að vona að María losni úr strekknum eftir tvær vikur. Þetta voru að sjálfsögðu töluverð vonbrigði fyrir okkur.

Svona er lífið og maður verður að sætta sig við það. Við ætlum að gera það besta úr þessu og þökkum Guði fyrir að við erum á lífi og að það fer vel um okkur. María er verkjalaus og ber sig afar vel. Hún hlær mikið og leikur sér við pabba sinn. Nýjasta æðið er að "taka" nefið á pabba sínum og kasta því út á gólf. Það er mjöög fyndið. Það er þó ekki eins fyndið þegar pabbi tekur nefið af henni og kastar út á gólf. Ekki vel séð.

Margt fólk hefur komið í heimsókn og sýnt okkur stuðning í orði og á borði. Við erum gríðarlega þakklát fyrir það. Í dag kom Ragga vinkona Eyglóar meðal annarra í heimsókn. Húsbóndinn smellti einni mynd af henni á nýju myndavélina. Hún brosir fallega hún Ragga ;)

Bíllinn

Myndbandsstubbur af Maríu á spítalanum

Smáfólkið lætur ekkert stoppa sig.

Mbk

Bragi

Nýjar myndir komnar inn

Erum búin að setja inn nýjar myndir í albúmið hennar Maríu.
Annars er allt gott að frétta af okkur hér í Háberginu, María byrjaði á leikskóla fyrir tveim vikum og hefur aðlögunin gengið eins og í sögu.Við foreldrarnir hefðum kannski þurft lengri aðlögun, okkur fannst svolítið erfitt að skilja hana eftir í nýju umhverfi svona fyrst, finnst hún orðin svo stór stelpa allt í einu :)

María byrjar í íþróttaskóla

 

María byrjaði í litla íþróttaskólanum um helgina. Henni fannst ekkert smá gaman og foreldrarnir höfðu ekkert minna gaman af því að fylgjast með tveggja ára skottunni sinni sína listir sínar. Það tók hana smá stund að venjast umhverfinu, vildi fyrst bara vera í fanginu á pabba sínum en svo þegar dagskráin byrjaði þá fór hún innan um hina krakkana og var með.

Nýr frændi kominn í heiminn!

Já við eignuðumst frænda í gær 12. sept. Gunni og Hilde eignuðust sitt annað barn í gærmorgun. Fæðingin gekk vel og heilsast móður og barni vel. Hann er 14 merkur og 52cm. Hann hefur fengið nafnið Olav Aasheim Gunnarsson. Fáum vonandi að knúsa hann sem fyrst!

María 2 ára

 

Hún María okkar átti 2 ára afmæli þann 2. september síðastliðinn og tókum við forskot á sæluna seinustu helgi og héldum afmælispartý. Það var mikið stuð í Háberginu, fullt af fólki og fullt af pökkum. Afmælisbarnið var orðið hálf ruglað í öllum þessum hamagangi en samt mjög kát með alla athyglina sem hún fékk.
Tað eru komnar inn nýjar myndir.

Sumarfríið

Ég ákvað að skella inn smá færslu eftir að ég sá hvatninguna frá henni Soffíu hér fyrir neðan:)
Við fjölskyldan fórum í tveggja vikna sumarfrí í byrjun júlí, þá skelltu Bragi og María sér til Noregs og húsmóðirin fór á Hróaskeldu með vinkonunum. Við vorum alveg einstaklega heppin með veður fyrstu vikuna, steikjandi hiti og sól eins og sést á myndunum hér fyrir neðan

Frænkurnar í fanginu á Braga

María og Saga Dís kæla sig í sundlauginni hjá ömmu og afa í Egersund.

Amma og afi tóku vel á móti Braga og Maríu og voru þau að mestu leiti í Egersund fyrstu vikuna í Noregi. Þau sóluðu sig og hittu m.a. Sögu Dís frænku og Gunna frænda. Maríu fannst mjög skemmtilegt að vera innan um frændsystkini sín og var mjög gaman að fylgjast með þeim þrem leika sér saman.

Krakkarnir að knúsa afa sinn

Stemningin á Hróaskeldu var frábær og ekki skemmdi veðrið fyrir. Ég og Inga mættum fyrst á svæðið og svo komu Sirrý og Eva á föstudeginum. Fullt af frábærum tónleikum og skemmtilegum félagsskap. Mjög afslappað og áhyggjulaust frí, hreint frábært húsmæðraorlof :)
Við Inga á tónleikum með Duffy, fyrstu tónleikarnir sem við sáum á hátíðinni


Allar saman á tónleikum við stóra sviðið


Á leiðinni heim eftir vel heppnaða hátíð, fengum sýnishorn af rigningu seinasta kvöldið.

Ég kom svo til Noregs seinni vikuna og nutum við lífsins þar öll saman. Við fórum m.a. í mjög flottann dýragarð í Kristianssand, við gistum þar eina nótt í sumarhúsi.

Þetta var mjög vel heppnað sumarfrí, var mjög fljótt að líða. Ég og María vorum svo áfram saman í fríi í tvær vikur eftir að við komum heim og svo passaði Svava Rós frænka hana í rúmar tvær vikur. Dagmömmurnar tóku 6 vikna sumarfrí og opnaði aftur hjá þeim núna í seinustu viku. Við erum að vona að hún komist inn á leikskólann sem fyrst, það styttist óðum í tveggja ára afmælið hjá dömunni :)
Það eru komnar inn nýjar myndir í albúmið hennar Maríu.

Tvær sætar

Blómarós

Heil og sæl.

Það er kannski kominn tími til að húsbóndinn á heimilinu láti til sín taka á þessum vettvangi. Eins og margir vita hef skipti ég um vinnu fyrir um þrem mánuðum síðan. Ég lét af störfum hjá Hag- og upplýsingasviði Landspítalans eftir rétt rúmlega þriggja ára feril þar. Hóf störf sama dag hjá hugmbúnaðarhúsinu Teris. Teris sérhæfir sig í hugbúnaðarþróun og rekstri fyrir fjármálarfyrirtæki og er eitt að stærstu fyrirtækjum sinnar tegundar á Íslandi. Þar starfa um 150 manns í dag en fyrirtækið hefur vaxið um meira en helming á síðastliðnum tveim árum. Ég á sæti í viðskiptagreindarhópi á þróunarsviði. Verkefni mín snúast að mestu um þróun gagnamóttökuferla frá kerfum utan og innan Teris. Töluverð breyting frá þeim verkefnum sem ég var í hjá LSH. Þetta er mun tæknilegra og gagnagrunnsvinna mun meiri. Spennandi tímar.

Blómarósin hér að ofan er í góðum fíling. Vex og dafnar og skessast áfram á fullum krafti. Fyrirferðin getur verið mikil ef þannig liggur á henni og svo er hún ljúf og góð þess á milli.

Bestu kveður úr Háberginu

Fyrsta leikhúsferðin

 

María fór með mömmu og pabba í leikhús í morgun. Það var rosa stuð, María var steinhissa á að sjá goðin sín svona í návígi. Hún sat fremst á dýnunni með öllum hinum krökkunum og fylgdist vel með öllu sem fór fram á sviðinu. Eftir sýninguna var svo myndataka með þeim Skoppu og Skrítlu. Hér á myndinni er María með Skoppu, María hljóp beint í fangið á henni :) Núna sefur María vært í vagninum enda þreytt eftir viðburðaríkan morgun.

Halló krakkar

Nokkrar nýjar myndir komnar inn...